Language

Language: Please download and save Malayalam web fonts to your C:\WINDOWS\Fonts.

Thursday, January 12, 2012

അസൂയ





ഹരിഹരനും ദാസേട്ടനും പാടുമ്പോള്‍..   ജഗ് ജീത്  സിങ്ങിന്റെ സ്വര്‍ണ സ്വരം മനസ്സിന്റെ അഗാധ തലങ്ങളിലേക്ക് അരിച്ചിറങ്ങുമ്പോള്‍.. എം ടി യുടെയും  എം. മുകുന്ദന്റെയും രചനകള്‍ വായിക്കുമ്പോള്‍... മോഹന്‍ലാലിന്റെയും മമ്മൂട്ടിയുടേയും   കമലഹാസന്റെയും   അമിതാഭ് ബച്ചന്റെയും ഷാരൂഖിന്റെയും ആമീര്‍ഖാന്റെയും അഭിനയവും ബ്ലസിയുടേയും രഞ്ജിത്തിന്റെയും  ഹരിഹരന്റെയും സിനിമകളും കാണുമ്പോള്‍.... പണ്ഡിറ്റ്‌ രവിശങ്കറിന്റെ സിത്താറും ബാലമുരളീകൃഷ്ണയുടേ സംഗീതവും   സാക്കീര്‍ ഹുസൈന്റെ തബലയും ബിസ്മില്ലാഖാന്റെ ഷെഹ് നായിയും ഹരിപ്രസാദ് ചൗരാസ്യയുടെ ഓടക്കുഴലും കേള്‍ക്കുമ്പോള്‍..... ഞാന്‍ അസൂയപ്പെടുന്നു.!
എനിക്കും അവരി ലൊരാളേപ്പോലെയാകാന്‍ കഴിഞ്ഞില്ലല്ലോ എന്നോര്‍ക്കുമ്പോള്‍...ഞാന്‍ വല്ലാതെ  അസൂയപ്പെടുന്നു.....




ബിസിനസ് മാഗ്നറ്റുകളോ മറ്റ് അത്യുന്നത പദവികള്‍ അലങ്കരിക്കുന്നവരോ എന്നില്‍ ഒരു പ്രതികരണവും ഉണ്ടാക്കാറില്ല. പക്ഷെ ദൈവത്തിന്റെ കരസ്പര്‍ശമേറ്റ ഹൃദയമുള്ള ഈ പ്രതിഭാശാലികള്‍ എന്നെ വല്ലാതെ അസൂയാലുവാക്കുന്നു.     
എന്നാല്‍....  
ഇനി  അസൂയപ്പെട്ടിട്ടെന്തു  കാര്യം? പല ജന്മങ്ങള്‍ കൊണ്ടാര്‍ജിച്ചെടുത്ത പുണ്യം  ഈ ഒരു ജന്മത്തില്‍ അനുഗ്രഹങ്ങളായി   അനുഭവിച്ചു തീര്‍ക്കുന്ന   അസാധാരണ വ്യക്തിത്വങ്ങൾ .....
അവരെ കാണുകയും കേള്‍ക്കുകയും വായിക്കുകയും അറിയുകയും ആദരിക്കുകയും  ചെയ്യേണ്ടവര്‍ നമ്മള്‍ ... അവര്‍ ജീവിക്കുന്ന കാലട്ടത്തില്‍  ജനിച്ചത്‌ ഒരു ഭാഗ്യമായി കരുതേണ്ടവര്‍ നമ്മള്‍... 
പക്ഷെ..... 
എന്നിട്ടും എനിക്ക്  അസൂയ സഹിക്കാന്‍ കഴിയുന്നില്ല.. ഞാനെന്താ ചെയ്യാ? ഇതെന്തൊരു കഷ്ടം !!
Blogger Wordpress Gadgets